TUNGDING LEH RAWH U

-

 Galatia 6:1-2

Unaute u, mi sual eng pawh a tih lai phawkin awm sela, nangni thlarau mite u, “Thlemna ka tawk ve dah ang e,” tia inveng tha chungin chutiang mi chu thuhnuairawlh takin tungding leh rawh u. In ritphurhte chu inchhawk tawn rawh u; chutichuan, Krista dan thu chu in zawm a ni ang.”


He thu hi Tirhkoh Paula’n Galatia rama kohhranhote hnena a thawn a ni a. Krista dan thu zawm dan awlsam deuh mai, ke penchhuah har tak si, pawimawh em em bawk si chu kohhranhote hnenah hian a hrilh a ni. He thu hi vawiina kohhranhote hian kan nunpuia, abik takin Thlarau miten kan ngaih pawimawh a tul hle.

FEL FAMKIM LO VEK KAN NI

Mihring kan ni a, kan famkim lova, tumah reng hi tha famkim reng kan awm lo. Pathian mithmuhah ngat phei chuan mi fel famkim reng kan awm lo a ni (Rom 3:10, 23; Thihriltu 7:20). Chutiang mi kan nih mek lai pawha fela min pawmtu, tling lo chung chung pawha min pawmtu chu kan Pathian Lal Isua hi a ni a. Kan damlai ni a tlak hma ngei hian Lalpa hian a duhzawng ti thei turin, hun tha leh hun lawmawm min siam a. Tichuan, kohhran Ama taksa ngei mai chu a din ta a, chumiah chuan nang leh kei hi, Krista lokal lehna nghak mekin tun hun hnuhnung tawh tak maiah hian kan la awm ve tang tang a ni a (Matthaia 16:18; Tirhkohte 20:28).

MI CHAKLO ZAWKTE AN AWM

Hetiang anih mek lai hian, keini aia chaklo, keini aia Lalpa hlat zawkte, Lalpa mamawh em em si, mamawh ni a inhre lo, pan dawn pawh nise, a kawng pawh hrelo, pan chak si, pan tur pawha chakna reng pawh neilo, kohhranhote laka inkiltawih leh mi inthlahrung tak takte tamtak an awm a. Krista taksa kan nih ang ngeiin, inmamawh tawn vek kan ni a, Tirhkoh Paula’n Galatia rama mite hnena a thuchah ang chiah mai hian, keini ngei pawh hian chaklo zawkte kan dawm kan thiam a pawimawh hle dawn alo ni (Rom 12:5; Galatia 6:1-2). Kan unaute chu an tluk avang ngawtin kan deuhsawhin, relin, fiamthu thawhnante kan hman mai hi a hlauhawm hle a. An tlinlohna leh an chaklonate hria a, kan zingah thlamuang taka an lo chen ve theihna turin  hmun kan siamsak a, kan lo lawm fo hi an ngai thin zawk a ni. Keini chu Krista chanchinthate zawmin, thianghlimna kawngah kalin, a Thlarau Thianghlim awmpuina leh chenchilhnate changin kan awm mek pawh a ni maithei e, tihtur pawimawh tak Lalpan min pe theuh a ni tih hi kan hriat a tul hle mai.

TLUTE CHU TUNGDING A, INCHHAWMDAWL ZEL TUR KAN NI

Kan chhungkua kan damtlang em? Kan kohhran memberte an damtlang em? Tih zawhna hi kan inzawh nawn fo ava pawimawh tehlul em! Lalpa mamawh ngawih ngawih, pan dan hrelote, tap leh ruma lei hringnun beidawng leh hrehawm taka tuar mekte, tlu chhe mekte chu tungding leh turin Lalpan nang leh kei hi min duh a ni tih kan hriat angai a. Kan chhungkua kan damtlan avanga tawk viau maia ngaihte hi thil awl tur takte pawh a ni ang. Mahse, Krista taksaah chuan, mimal, chhungkua leh kohhran member zawng zawngte chu pumkhat vek kan ni si a, kan inchhawmdawl tawn zel hi a tul hle a ni.

Lal Isua Krista lokal lehna ni hnai tawh takah hian, sual chuan nasa takin, theihtawp chhuahin ringtute chu min keuhthluk tumin, hremhmuna min hnuh luh tumin min bei reng thin a. Kan rawngbawlpuite chhungril lamah an dam angem? tihte pawh hi kan ngaihtuah fo a tul hle mai. Nang leh kei hian ritphurh kan nei a, thenkhat chu an ritphurhte alo len tawh em avangin a uai thlu a, anmahni pawhin an ding zo ta lo! Thenkhatte erawh chu an ritphurhte chu rit hle mahse, harsa takin an kalpui tawk tawk a. Chutihlaiin thenkhatte chuan phur zang tak leh nuam takte kan nei hlawm bawk a. Lalpa chuan A hnungzuitute chu taksa pakhat, rinna hmun khat, thlarau hmunkhat, baptisma hmunkhat kan nih ang ngeiin (Ephesi 4:5), kan khawvel khawsak phung mai piahlamah, kan thlarau tan chhandamna kan chan theihna turin, kan harsatnate, kan ritphurhte chu inchhawk tawn turin min duh hle a ni tih a thu atangin a hriat theih awm e.

Tlipna

Nang leh kei hi kan tlin vanga pawm kan ni dawn lova, Lal Isua hmangaihna, khawngaihna leh zahngaihna nasa chuan a duhzawng ti a, a thu zawmte chu tlingah alo pawm mai dawn chauh zawk a ni a. Vawiinah hian nang leh kei mai hi inngaihtuah thei kan ni tawh lo, kan chhungkua, kan kohhran member tinte kan ngaihtuah a, tluchhe mekte chu tungding leh tura kan thawhchhuah hi Lalpan a duh a ni. “Chutiang mi chu thuhnuairawlh takin tungding leh rawh u,” a ti a nih kha. Lalpa lokal lehna ni nghaktute hian, hun tha leh hun lawmawm kan neih lai hian, thlemna tawk a, tlu chhe mekte chu, phurrit phur zo tawh lova, tlukpuite chu kaitho a, thungding leh turin kan inbuatsaih a pawimawh hle a ni. Chutichuan, Krista dan thu chu kan zawm a ni anga. Lalpa duhzawng kan ti anih chuan, Amah alo lan hunah pawh ropuiin kan lang ve dawn a ni.


-------- Jacky Chhakchhuak

Comments

Post a Comment

Post larzualte

FAINA

-
Image
- Ziaktu: Jacky Chhakchhuak ‘Faina’ kan tih hian mihringte nunah hian hmun pawimawh tak mai a luah a, faina hi thil tih satliah mai a ni lova, nitina kan nunpui tur ‘nungchang tha’ (good habit) ah chhiar tel chi zawk mah a ni. Kan dam khawhchhuah theihnan nitin tui leh chaw kan mamawh ang chiah hian ‘Faina’ hi kan nitin mamawh a ni ve bawk. Damrei tur chuan hriselna tha kan mamawh a, hriselna tha nei tur chuan faina kan nunpui angai thung. Faina hlenchhuah hi Khawtlang hruaitute leh midangte kuta dah mai chi a ni hauh lo mai a! naupang atanga tar thlengin mitin mawhphurhna a nih avangin ti tur bik an awm hran chuang lo. Mawhphurhna hlen chhuah chu mi puitlingzia anih ang ngeiin puitling turin rahbi thar kai a tul hle. Faina pawimawhzia hi sawi vek sen a ni lova, kan theih chen chen kan sawi dawn a ni. Sikul pakhat Classroom-ah hian faina chungchang slogan hetiang hian alo intar ka hmu a, ‘Pick Up and see the change’ tiin. Mizo tawng chuan ‘Chhar la, danglamna thlen rawh’ tii...
Read more

KAWNG AWLSAM A NI LO - Jacky Chhakchhuak

-
Tunlai khawvel changkanna hian kawng awlsam/tihdan awlsam zel a hringchhuak mek zel a. Tunhma deuh kha chuan zualko kal tur intirhte kan hre fo thin, nula leh tlangval inngaizawngte ramhla taka awmte phei chuan lehkhate inthawnin an hmuh leh inchhanletnan hun rei tak a duh thin a, kan sawi vek seng lovang. Tunah erawh chuan mahni in lum atangin thil tamtak a tih theih ta ! Kutphah tiat emaw a aia liante  hmang hian kan bazar tawh a, nula/tlangval kan inrim tawh a, khawvel tukverhah kan dak zuai zuai tawh mai a ni ! TV lah nise en sen loh channel a awm tawh a, mahni awmhmunah pawh alo Kristian theih ta viau mai! Sermon/Pathian thu a rawngbawlna tamtak pekchhuah thin a ni a, chumi en a inkhawm kher angailo tite kan lo awm ta zel a, mahni awmhmunah hian kan lungawi tlang ta hle niin a lang. Biak In thutna a khat ta pharh a, kohhranah revival hmuh tur a tlem ta. Kan pi leh puten an hunlaia kohhran an hlim theih thinzia an sawi fo thin pawh hi an thiamawmloh hran loh ka ti, achhanc...
Read more

RAH THA (Thuziak tawi)

-
Pathian Lehkhabu Thianghlim hi Kristiante tan chuan kan Nun kawng chaw, nitin a kan ei leh in tur, kan thlarau tan chaw tha min petu, nunkawng dika min hruaitu a ni a. A chhiar tam apiang an nun a ngil thin.     Lalpa Kohhran tana kan thawh chhuah hian Vana ro kan khawl khawmna anih ve miau avangin kan duh loh leh peihloh ngawt theih hi a ni hran lo!      Lalpa Thlarau malsawmna kan dawngin kan chang thin a. A lawmawm thin hle mai. Amaherawhchu chu kan Thlarau chan chuan kan nitin nunah rah tha a chhuah leh siloh chuan hmasawnna lam aiin kan hnungtawlh zel tihna a ni a. Chutiang anih avang chuan keimahni a Pathian Thlarau hnathawh lo lang thinte hi kan nitin nuna chhelna leh rinawmna, tih hram hramna nun min petu ni thin se a duhawm hle.     Kohhran chu engtiklai pawha hlim reng kan ni thei lova. Mihring taksa kan la put miau avangin ngui chang leh chauh chang ni kan nei lo thei lova. Amaherawhchu chung kan chauh chang ni chuan Lalpa Biak In...
Read more