PATHIAN NGAIHSAKNA THURUK: MIHRING TAN CHHANDAMNA - Jacky Chhakchhuak

-
1. CHHANDAM KAN MAMAWH CHHAN
Bible chuan mihring zawng zawng hi sual vek kan ni a ti a (I Lalte 8:46; Thuf 20:9; Is 64:6). Tumah mifel tak reng an awm lo, pakhat mah an awm lo (Rom 3:10). Mi zawng zawngin thil an tisual vek tawh a, Pathian ropuina an chang zo ta lo a ni (Rom 3:23).

Mihring zawng zawng chu thi tura tih vek kan ni tawh a, kan sual man a nih dawn avangin nung tur chuan chhandamna kan mamawh ta a ni. Sual man chu thihna a ni si a (Rom 6:23). Sual chu alo puitlinin thihna a hring thin (Jakoba 1:15). 

Chhandam tih chu Chhanchhuak, kawl tha/chhe theilova siam, zalenna pe tiin kan sawi thei awm e.

Pathian thu atanga kan hmuh dan chuan chhandamna chu sual thiltihtheihnain a min phuar behna zawng zawng lak ata lakchhuahna/ chhanchhuahna tihna a ni ta a ni.
2

2. THIL THLAWN PEK CHHANDAMNA:

Mihringin mahni kan inchhandam thei lova. Kan thil tha tihte chu eng ang pawhin lo tam hle pawh nisela, chu kan thil tha tih chuan min chhandam thei chuang reng reng lo.
“Rinna avanga khawngaihna a chhandam in ni; nangmahni thawhchhuah a nil ova, Pathian thilpek a ni; thiltih avang a ni love, chutilochuan miin  achhuang dah ange.”
(Ephesi 2:8-9)

Chhandamna hi Pathian atanga thil thlawn pek kan dawn a ni a, kan hlawh chhuak lova, kan phu hek lo. Lal Isua Krista min tlanna hna ropui tak – A thihna, phumna leh thawhlehna – chuan chhandam kan nih ve theihna tur atan kawng min hawnsak a, thilthlawn pek chu la thei turin min siam ta a  ni.
-    Chung ringtute chu, Krista Isuaa tlanna awm avang chuan, a khawngaihnain a thlawna thiam chantirin an awm a; (Rom 3:24)

(Joh 14:6) Lal Isua Krista kal tlang lo chuan tumahin chhandamna kan chang dawnlo a ni.

Pathian chu Thianghlim anih avangin Mihring sual kai tawh nen chuan an awmdun a rem ta lova, Pathian nen chuan an in mihran alo ngai ta a. Ani chu nunna zawng zawng siamtu a ni a, sual avanga thihna a thlen tur chu taksa leh thlarau chatuana thihna chu a ni a. Chutiang anih avang chuan Mihring fa suala tlu tawhte hremna chu thihna chu a ni.

Pathian ngei mai chuan sual avanga thih hnihna lo awm tur chu ngai ngam lovin inzawmna hna a thawh angai ta si a.  Chu sual lak ata kan chhuah theihna tur chuan thisen a chhuah angai ta a, (Thisen chhuah lovin ngaihdamna reng a awm lo .. Heb. 9:22) mihring thisenin min tlan theilo famkim reng kan awm loh avangin, ran thisenin min tlan thei heklo, mihring aiin an chungnun loh avangin.

Mihring leh Pathian inremna turin min tlanchhuak turin Pathian ngei mai chu mihringah alo chang ta a (Khatia, Pathianin Kristaah chuan khawvel hi amah nen inremin a siam a an bawhchhiatnate chu bawhchhiatnaa ruatsak lovin, inremna thu min kawltir kha – II Kor. 5:19) (Amahah chuan Pathian famkimna tinreng chu taksa neiin a awm reng si a – Kol. 2:9) (Pathian pakhat chauh a awm a, Pathian leh mihring inkara palai pakhat chauh a awm bawk a, amah chu mihring a ni, Krista Isua – I Tim. 2:5) (Tin, Pathian ngaihsakna thuruk chu hnial rual lohvin a ropui a ni: “Tisaa lo langa, Thlarauva thiam change, Vantirhkohte hmuha, Jentailte zinga tlangaupuia, Khawvelah hian mite rina, Ropuinaa hruai chhoh taka chu – I Tim. 3:16).

Krista Isua chauh chu sualna nei lo chu a ni si a. A Pathian thianghlimna leh ropuina ti bawrhbang miah silovin tlanna hna a rawn thawk ta a ni. Chu Lal Isua thihna phumna leh thawhlehna chuan kawng min hawnsak ta a ni.

3. CHANCHIN THA leh PIANTHARNA

Chanchin tha chu Lal Isua Krista thihna, phumna leh thawhlehna chanchin chu a ni  tih I Kor. 15 ah kan hmu a ni. (I Kor. 15:2 – Ka thu hrilh che u kha in ring mai mai anih loh va, in pawm tlat anih chuan chu miah bawk chuan chhandam mekin in awm a ni).

Chu chanchin thaah chuan engtin nge kan awm ang?
Chanchin tha kan chhanlet dan tur chu heihi a ni:
-        Chanchintha chu kan nunah kan la lut anga, a thihna anpuiin kan sualte simin kan thihsan anga, A Phumna anpuiin Lalpa Isua Krista hmingin hnimphumin baptisma kan chang anga. Tin, a thawhlehna anpuiin Thlarau Thianghlim Baptisma (Kristaah Nun thar) neiin kan tho leh tur a ni. Chutiang a kan nuna Lal Isua chanchintha kan lakluh chiah chuan chhandam mek kan lo ni dawn a ni (Rom 6).

-        Engtin nge kan pian thar ang?
Pharisaite zinga mi Nikodema, Judate hotu pakhat chuan Lal Isua chu mi tumahin an hriatloh turin Lal Isua chu a awmnaah ava pan a, a thiltih makte a hmuh avangin a ring hle mai a. A chanchin zawt a, chhandam anih ve theihna tur atana a tihtur zawt turin ava kal ta a. Chutah Lal Isua chuan “tih tak meuhvin, tih tak meuhvin ka hrilh a che, mi tupawh an pian thar loh chuan Pathian ram an hmu thei lovang..” Nikodema chuan, “Mi a tar hnuin engtin nge a pian thei ang? Anu pumah vawi hnih lutin a piang thei em ni”
Joh. 3:5 – Lal Isuan, Tih tak meuhvin, tih tak meuhvin ka hrilh a che, mi tupawh tuiah leh thlarauva an pian loh chuan Pathian ramah an lut thei lovang..”

Lal Isua Krista kan rina Tirhkohte 2:38 a tuiah leh thlarauva pianna kan chang anih chuan Joh 3:3,8  a kan hmuh angin piangthar kan lo ni dawn ta a ni. Kristaah chuan siam thar kan ni anga. Simna leh tui baptisma chuan kan mihring hlui sualna chu a tlengfai anga, thihna khawp sualte pawh chu a tlengfai dawn a ni. Thlarau Thianghlim kan dawn chiah hian nuntharin kan lo nung a Lalpa chua thlarauvin keimahniah alo awm thin a ni.

Pentecost niah Thuthlung Thar Kohhran alo din khan Tirhkoh Petera cuan chanchintha sermon hmasaber mai chu a hril ta a. Lal Isua thihna, phumna leh thawhlehna chanchin chu thlarauva khatin a hril a ni. Heta mite hi Pathian ngaihsak mi Pentecost kut hmanga Jerusalema lokalte anni a. Pathian thuin a sawi simna, sual ngaihdamna leh Thlarau Thianghlim pawh hre tawhte, Thuthlung Hlui lam chanchin pawh hre em em te, Johana thuhrilte hriate anni a. Chungho hnenah chuan Petera chuan an la tihtur hmabak chu alo hrilh ta a ni.

          4. THLARAU THIANGHLIM BAPTISMA

Thlarau Thianghlim Baptisma hi thuthlung thar chhandamna a fawng pawimawh tak a ni a. Duhthlan tur a nil ova, kan duh a kan neih a, kan duhloh a kan telloh mai chi a ni hauh lo.
Joh 3:5… Mi tupawh.. Rom 8:1-16., Eph. 1:13-14 Amahah chuan nangni pawh thutak thu (in chhandamnda Chanchin Tha chu) in ngaihthlak a, rin pawh in rin hnuin, amahah chuan Thlarau Thianghlim tiam chuan chhinchhiahin in awm kha, chu chuan Pathian ropuizia fak nana ma ta ngei tlan chhuahna turin an roluahna tura zakhamna a ni. (Tupawh Krista Thlarau nei lo chu amaha mi a ni lo – Rom 8:9) Chu Thlarau Thianghlim chu Lal Isua ring apiang leh a thu zawm apiang tan a ni.
4.1. Thlarau Thianghlim Baptisma chu eng nge?
-   Thuthlung Thar Kohhranah hian Bible in a record dan cuan hmun ngaah Thlarau Thianghlim dawngte kan hmu thei a. Juda ho, Samari mite, Jentailte, Tirhkoh Paula leh Ephesi khuaa Johana zirtirte anni a. Hei hian a lan chian tir em em chu Thlarau Thianghlim hi mitin tan a ni tih hi a ni.

-        Chung Thlarau Thianghlim Baptisma dawngte chu engtin nge an awm thin? Tih hi zawhna lian tak a ni a. Marka 16:17 Tin, heng chhinchhiahnate hian ringtute chu a zui zel ang: Ka hmingin ramhuaite an hnawt chhuak ang a, tawng thartein an tawng ang a;
Tirhkohte 2:1-4 – Tin, Pentikost ni alo thlenin, an zain hmun khatah an awm khawm vek a. Tin, thawklehkhatan van ata ri, thlipui tleh angina lo thleng tap hut a. Tin, chu chuan an thutna in chu a tikhat ta vek a, tin, leite, amaha insem darhin, mei angin an hnenah a lo inlar ta a. Tin, an chungah chuang theuh va.. an zain Thlarau Thianghlimin an khat ta vek a, Thlarauvin a tawngtir ang zelin tawng dangin an lo tawng ta a.

-        Thlarau Thianghlim Baptisma changte chu tawngthartein/lei tihdanglamin an awm thin a ni.

-        Lei tihdanglamna/ Tawng thar tih awmzia chu mihring in a kan duh duh sawi ang nilo, thlarauvin kan lei alo tih danglama, kan hriat ngai miahlohte kan sawi chhuak ang hi a ni.

4.1.2. Thlarau Thianghlim Baptisma dawngte awmdan
- Thlarau Thianghlim dawngte chu tawng thartein an tawng zel thin tih hi Bible ah hian tum thum kan hmu a.

(1) Pentecost Niah – thlipui tleh angin ri van atangin alo thleng a, mei angin a inlar a, an chungah a chuang a, Thlarauvin a tawng tir ang zelin tawng dangin an lo tawng ta a.

(2) Kornelia leh a chhungte hnenah – Tirhkohte 10:44-46 Tin, Petera’n chung thu chu a sawi lai tak chuan thu hretute zawng zawng chungah chuan Thlarau Thainghlim alo thleng ta a. Tin, Serhtanho zinga ringtute Petera rawn zui apiang chuan Thlarau Thianghlim pek chu Jentailte chungah pawh leih a nih avangin mak an ti hle a; tawng hriat lohtea thu sawiin Pathain fakin an hre si a…

(3) Ephesi khuaa Johana Zirtirte hnenah – patling 12 chungah tui baptisma an chan zawh veleh chuan Paulan an lu chungah kut nghah tawngtaina a nei ta a. Tirhkohte 19:6 Thlarau Thianghlim chu an chungah alo thleng ta a; tichuan tawng hriat lohtein thu an sawi a, Pathian thu pawh an hril ta a.
Pawiual chuan I Kor. 14:18 Nangmahni zawng zawng aiin tawng hriat lohtea thu ka sawi hnem zawk avangin Pathain hnenah lawmthu ka sawi a.

TLIPNA

Thlarau chu kan chawlhna a ni a, thutaka min hruaitu, faa min pawmtu, min ti thianghlimtu, chhinchhiahna, roluah tura min siamtu a ni.
Miin Thlarau Thianghlim pawlna a dawng anih chuan Pentecost ni-a thlarau thianghlim baptisma lei tihdanglamna a dil tur a ni.  Thlarau Thianghlim anei tawh a nih chun thiltihtheihna Lalpa hmingin a nei tawh thin a. Thlarau chuan a nunkawng a hruai tawh thin a,a nunah thlarau rah chi kuate chu hmuh theihin a lang chhuak thin a ni (Gal. 5:22-23). Hmangaihnate, hlimnate, remnate, dawhtheihnate, ngilneihnate, thatnate, rinawmnate, thuhnuairawlhnate, insumtheihnate..
 Pathian ngaihsakna thuruk chu hnial rual lohvin a ropui a ni. Lalpan malsawm rawh se.

Comments

Post a Comment

Post larzualte

FAINA

-
Image
- Ziaktu: Jacky Chhakchhuak ‘Faina’ kan tih hian mihringte nunah hian hmun pawimawh tak mai a luah a, faina hi thil tih satliah mai a ni lova, nitina kan nunpui tur ‘nungchang tha’ (good habit) ah chhiar tel chi zawk mah a ni. Kan dam khawhchhuah theihnan nitin tui leh chaw kan mamawh ang chiah hian ‘Faina’ hi kan nitin mamawh a ni ve bawk. Damrei tur chuan hriselna tha kan mamawh a, hriselna tha nei tur chuan faina kan nunpui angai thung. Faina hlenchhuah hi Khawtlang hruaitute leh midangte kuta dah mai chi a ni hauh lo mai a! naupang atanga tar thlengin mitin mawhphurhna a nih avangin ti tur bik an awm hran chuang lo. Mawhphurhna hlen chhuah chu mi puitlingzia anih ang ngeiin puitling turin rahbi thar kai a tul hle. Faina pawimawhzia hi sawi vek sen a ni lova, kan theih chen chen kan sawi dawn a ni. Sikul pakhat Classroom-ah hian faina chungchang slogan hetiang hian alo intar ka hmu a, ‘Pick Up and see the change’ tiin. Mizo tawng chuan ‘Chhar la, danglamna thlen rawh’ tii...
Read more

KAWNG AWLSAM A NI LO - Jacky Chhakchhuak

-
Tunlai khawvel changkanna hian kawng awlsam/tihdan awlsam zel a hringchhuak mek zel a. Tunhma deuh kha chuan zualko kal tur intirhte kan hre fo thin, nula leh tlangval inngaizawngte ramhla taka awmte phei chuan lehkhate inthawnin an hmuh leh inchhanletnan hun rei tak a duh thin a, kan sawi vek seng lovang. Tunah erawh chuan mahni in lum atangin thil tamtak a tih theih ta ! Kutphah tiat emaw a aia liante  hmang hian kan bazar tawh a, nula/tlangval kan inrim tawh a, khawvel tukverhah kan dak zuai zuai tawh mai a ni ! TV lah nise en sen loh channel a awm tawh a, mahni awmhmunah pawh alo Kristian theih ta viau mai! Sermon/Pathian thu a rawngbawlna tamtak pekchhuah thin a ni a, chumi en a inkhawm kher angailo tite kan lo awm ta zel a, mahni awmhmunah hian kan lungawi tlang ta hle niin a lang. Biak In thutna a khat ta pharh a, kohhranah revival hmuh tur a tlem ta. Kan pi leh puten an hunlaia kohhran an hlim theih thinzia an sawi fo thin pawh hi an thiamawmloh hran loh ka ti, achhanc...
Read more

RAH THA (Thuziak tawi)

-
Pathian Lehkhabu Thianghlim hi Kristiante tan chuan kan Nun kawng chaw, nitin a kan ei leh in tur, kan thlarau tan chaw tha min petu, nunkawng dika min hruaitu a ni a. A chhiar tam apiang an nun a ngil thin.     Lalpa Kohhran tana kan thawh chhuah hian Vana ro kan khawl khawmna anih ve miau avangin kan duh loh leh peihloh ngawt theih hi a ni hran lo!      Lalpa Thlarau malsawmna kan dawngin kan chang thin a. A lawmawm thin hle mai. Amaherawhchu chu kan Thlarau chan chuan kan nitin nunah rah tha a chhuah leh siloh chuan hmasawnna lam aiin kan hnungtawlh zel tihna a ni a. Chutiang anih avang chuan keimahni a Pathian Thlarau hnathawh lo lang thinte hi kan nitin nuna chhelna leh rinawmna, tih hram hramna nun min petu ni thin se a duhawm hle.     Kohhran chu engtiklai pawha hlim reng kan ni thei lova. Mihring taksa kan la put miau avangin ngui chang leh chauh chang ni kan nei lo thei lova. Amaherawhchu chung kan chauh chang ni chuan Lalpa Biak In...
Read more